هناء ابو علي -كود//

اليوم ف المجلس العام ديال الامم المتحدة  قال ترامب  ان ميريكان غادي يكون ردها قاسي اذا استعمل بشار الاسد اسلحة كيميائية مرة اخرى ف الحرب الاهلية السورية و قال خص العالم كله يقاطع النظام الايراني.

ترامب كما العادة بدا الخطاب ديالو وهو كايصبغ ف راسو و الحكومة ديالو و قال ” الادارة ديالي دارت امور كثيرة اللي ماقدر حد يديرها من الادارات السابقة “، و هنا بقاو الحاضرين كايضحكو و رد عليهم ” ماكننتظرش هاد الرد ولكن ماشي مشكل “.

الجلسة حاضرين فيها 133 رئيس دولة  او ممثليهم  و ترامب نسا راسو و بدا كايهضر معهم بحال الا هما امريكيين صوتو عليه، أو مهتمين بسياساتو الداخلية و الاقتصادية.

فنفس الجلسة كان خطاب ديال الرئيس الايراني روحاني اللي دار رد على ترامب..