عمـر المزيـن – مكتب الرباط:

علمت “كود”، من مصدر مطلع، أن المكتب السياسي لحزب التقدم والاشتراكية، قرر أمس الإثنين، تأجيل الاجتماع ديال اللجنة المركزية للحزب اللّي غادي تكون انهار السبت المقبل للحسم في مصير العلاقة بين “البي بي إس” و”البي جي دي”. هادشي غادي يقولو المكتب السياسي للحزب فبلاغ غادي يخرج دبا شويا.

وقال الأمين العام لحزب “الكتاب”، في تصريح لـ”كود”، أن النقاش داخل حزبه غادي يتواصل باش يكون توافق بين جميع الأطراف داخل المكتب السياسي على موقف واحد، مضيفا بالقول: “كاين اللّي باغي يخرج من الحكومة وكاين اللّي باغي يبقا ودبا خاص يكون توافق على موقف واحد”.

وزاد بنعبد الله قائلاً: “وهادشي علاش قررنا فالاجتماع ديال المكتب السياسي نعمقو النقاش مزيان وانديرو اجتماع آخر يوم الخميس المقبل وأنا خاصني كأمين عام نبقا جامع بين الجميع والهدف ديالي هو وحدة الحزب ويلا مشيت فشي اتجاه معين نقدر نكسر الحزب على جوج وهادشي مغاديش نبغيه بشكل نهائي”.