عمـر المزيـن – مكتب الرباط//

محمد ساجد وزير السياحة والنقل الجوي والصناعة التقليدية والاقتصاد الاجتماعي تحرم من الكُونْجِي ديالو هاد العام. فحسب مصادر “كود”، فإن الوزير ساجد كان خدا الكُونْجِي ديالو قبل أيام قليلة ومشا للولايات المتحدة الأمريكية وسرعان ما سمع واحد الخبر مفجع واسمح فالكونجي.

وحسب مصادر مقربة من الوزير ساجد، لـ”كود”، فإن هذا الأخير غادر أمريكا على وجهة السرعة إلى ألمانيا، حيث توفي هناك شقيقه مصطفى ساجد اللّي كان هو الرئيس السابق ديال الجميعة المغربية لصناعة النسيج والألبسة.

الراحل توفي صباح اليوم الخميس بسبب مرض عضال لم ينفع معه علاج. ومن المنتظر باش توصل الجثة ديال لكازا باش يدفنوه تما.