ايوب الطنطاوي-كود//

قال البرتغالي “كريستيانو “، نجم ريال مدريد ، أنه تعرض لخيانة من طرف زميلو “راموس”، حيت  كان هاذ الأخير عارف بمخطط “فلورنتينو بيريز” رئيس النادي  ،ضد النجم البرتغالي من شحال هادي ، وهادشي عاد انكشف مؤخرا ،  وهو دابا على أعتاب الانتقال ليوفنتوس الإيطالي.

وقالت صحيفة “دياريو غول” الإسبانية أن “بيريز” كان ديما كيعقد اجتماعات دورية مع راموس ، حيت هو قائد الفريق باش يتكلمو على مستقبل ريال مدريد ، و إمكانية الحفاظ على المكتسبات المحققة،  وصرح فيها “فلورنتينو”  بأن “رونالدو”  ميمكنش يبقى  جزء من الفريق الملكي  ،حيت كبر فالسن ومغاديش يقدر يزيد يلعب بنفس مستواه لسنوات أطول ، الشيء لي وافقو عليه “سيرجيو راموس” أكثر من مرة طوال الموسم الماضي.

وأضافت الصحيفة: هادشي إعتابرو رونالدو  ،خيانة، وكأنه طعنة فظهر اللاعب الأفضل في تاريخ ريال مدريد.

وغادي يمشي رونالدو  من مدريد ، بعدما حقق للنادي الملكي  4 ديال بطولات دوري أبطال أوروبا، و 3 ديال المرات لقب الدوري الإسباني وكأس أندية العالم .