عمـر المزيـن – الرباط:

مستشارة برلمانية من الكونفدرالية الديمقراطية هاجمات اليوم الثلاثاء بمجلس المستشارين الحكومة فشخص مصطفى الخلفي المنتدب بالعلاقات مع البرلمان والمجتمع المدني والناطق الرسمي باسم الحكومة واللّي وجهات ليه سؤال حول ظاهرة “تغيب الوزراء على جلسات الاسئلة الشفوية”.

وكشفت المستشارة البرلمانية عن الوزراء المتغيبين، ومن بينهم “وزير الشغل، وزير المالية، وزير الفلاحة، ووزير الصناعة اللّي قالت أنه مكيشوفوهش كاع فالبرلمان، واوضحت قائلة: في بعض الحالات خاصنا الوزير اللي يجاوبنا وخاص رقابة البرلمان على العمل الحكومي ويقول لينا ان الوزراء المتغبين ممنوع يجيو باش منبقاوش نسولوهوم كاع”.

وزادت: “وزير التشغيل مكيجيش كاع وكاين مشكل ديال الحوار الاجتماعي ونحن على أبواب فاتح ماي وكاين مشكل فالصحرا ووزير الخارجية مكيجيش كاع وكاين مشكل فجرادة ووزير الداخلية ميجيش إذن معامن غادي نهضرو”.

ورد الوزير الخلفي على المستشارة البرلمانية بالقول:”علاقة الحكومة بالبرلمان تقوم بالتعاون وكاين حالات محدودة ديال هاد التغيبات”.