كود علي الصافي العيون ////

هاد الشي غادي يمرض ويعذب البوليساريو بزاف. دابا ماشي غير الاتحاد الافريقي ما تسوقش ليهم على قبال انعقاد كرانس مونتانا فالداخلة كيف ما دار مجلس الامن الدولي٬ بل غادي يشارك كيف نشرت “كود” فوقت سابق 43 دولة من افريقيا.

هاد القارة وفق قائمة حصلت عليها “كود” من كرانس مونتانا حاضرة بوفود فيها وزراء ورؤساء حكومات محلية وحتى ملك الزولو حاضر.

وفق هاد اللائحة كاينة دول كانو من اكبر داعمي البوليساريو. نشوفو اش فيها.

من زمبابوي حاضر منها شخصية كبيرة ومدير مشهور. من جنوب افريقيا كاين وفد كبير مشارك من هاد الدولة فيهم ناس كثيرة فالسياسة فالمجتمع فالاقتصاد.

المجتمع المدني الجنوب الافريقي حاضر بقوة كذلك

وحاضر من تانزانيا مسؤولين كبار ست شخصيات فيها برلماني وصحافي ونشطاء فالمجتمع المدني وفاعلين اقتصاديين

جاي وفد من زامبيا كاينين ناس كبار. اوغندا حاضرة بقوة كذلك في ديوان الرئيس كما تحضر نيجيريا بمسؤول كبير بزاف

ومن غينيا بيساو جاي وزير للصيد البحري حتى غينيا كوناكري جاي منها وزير لنفس القطاع بحالها بحال غامبيا اللي حاضر منها كذلك وزير للصحة. الكونغو الديموقراطية حاضر منها وزير التعليم العالي فيما يحضر عن مالي وزير البيئة فيما يمثل بوركينافاسو وزير الرياضة. كاينين دول ممثلة بوزراء خارجية وهاد الشي غاديين تشوفوه يوم الجمعة الجاية

سوازلاند حاضرة بقوة فهاد الحدث بوفد كبير حتى هو