04/05/2024 02:00
ماعنديش كونط وماغاديش نديرو.. الممثلة الميريكانية جينفر أنيستون خرجات بتصريح قوي ضد “تيك توك”
كود عن ماركا //////
خروج ريال مدريد البارح من ربع نهاية كأس الملك البارح الاربعاء على نادي “ليگانيس” عانى منو المدافع المغربي في النادي الملكي بزاف بزاف. اشرف حكيمي عاش ليلة حكلا زحلا البارح فبيرنابيدو.
يومية “ماركا” اختارت هاد العنوان باش توصف اداء لاعب المنتخب المغربي حكيمي. واوضحت ان هاد الماتش “غادي يكون صعيب بزاف لحكيمي ينساه” واضافت “راه عاش كوشمار لمدة 69 دقيقة= باش خرجو زيدان ودخل كارباخال=
واضافت اليومية الرياضية الريالية انه بدا يلعب بدون دقة فالتمريرات وكان يطلع وينزل بلا فايدة.
لعبو الخايب كيف سماتو “ماركا” تلخص فالهدف الاول اللي تماركا على الريال. كورة ساهلة وبلا ضغط الخصم عطاها للمدافع ناتشو اللي ما قدرش يشدها وماركا مهاجم ليگانيس ايراسو بيت زوين.
اليومية اضافت ان هاد الفشل تكرر خلال ليلة امس. واضافت ان المدرب زين الدين زيدان بغى يحميه وخلاه بعد نهاية الشوط الاول٬ لكن هاد القرار ما زاد غير عمق انحدارو فالبيرنابيو وان مستواه بقى غادي ينزل واعتبرت اليومية ان فشلو فكونترول كورة ساهلة بوحدو فالجهة اليمنى باش يبني هجوم لفرقتو كتلخص كلشي. وختمت ان الملعب غضب وزيدان خرج المغربي اللي صعيب عليه بزاف ينسى داك الشي ويدير بلاصتو
