كود علي الصافي العيون ////

واحد السيد خدام فالصيد البحري رافض الراحة البيولوجية وباغي يصيد ضدا على القانون. السيد نقابي فالصيد البحري مع المنظمة الديموقراطية للشغل التابعة للأصالة والمعاصرة واسمه محمد افراون. الخطير انه في فيديو تتوفر “كود” على نسخة منه مشى بعيد وطلب من الصيادة يمشيو للعيون ويديرو شرع يديهم ويصيدو بدون احترام حتى لشي راحة بيولوجية كتحددها الوزارة حفاظا على الثروة السمكية ولا احترام لاماكن الصيد

السيد قال بالحرف “نمشيو درجة بدرجة والله تا تولي اكثر من الحسيمة وندخلو معانا صحراوا والسرادنيا” =صحاب السردين=

هاد السيد قيادي في تنسيقية ربابنة الصيد الساحلي التى أطرت الإضراب بتنسيق سري مع نقابة البام، هذه التنسيقية نظمت ندوة في مقر نقابة البام و أعلنت إنتمائها لنقابة الصيد التابعة لبام.

هاد الشي رد عليه صياد من الصحراء بالتهديد وقال ليه “حنا ماشي دمية ماشي بيدق باش يحركونا كيف بغاو. واضاف “حنا مع القانون مع وزارة الصيد البحري وهاداك خينا الى جا عندنا” راه نخليو دار بوه.
وختم هادا خاصو يتحاكم ولا كانت الوزارة ما قاداش عليه حنا قادين عليه