كود الرباط /////

علمت “كود” ان اعضاء من تيار الاستوزار داخل العدالة والتنمية مخدم بزاف التلفونات هاد الايام. هدفه التأثير على اعضاء من المجلس الوطني للحزب اللي غادي ينعقد نهار السبت٬ باش يصوتو ضد مقترح الولاية الثالثة للامين العام واللي كتعني ان بنكيران الامين العام الحالي غادي يزيدو ولاية جديدة.

دابا وفق مصادر “كود” ما بقاش غير اللقاء والاقناع بالفكرة ولكن الالحاح على التصويت ضد هذا المقترح اللي ايلى تقبل غادي يتعرض على المؤتمر المقبل وغادي يتبناه.

المؤشرات الحالية داخل الحزب وفق قيادي ل”كود” غادية فاتجاه تصويت اغلبية مريحة على مقترح الولاية الثالثة. خرجة المقري ابو زيد الاخيرة وحديث بنكيران عن محاولات كثيرة للضغط وما يشهده المشهد السياسي الحالي وضعف شخصية ابن عرفة الحزب كلها تلعب في صالح اتباع بنكيران ومسانديه