الرئيسية > آش واقع > ولا حزب الاستقلال طلع قافز بزاف وعطى درس غير مسبوق لكل الاحزاب بهاد الاقتراح: ندعم حكومة بنكيران بدون شرط بدون مشاركة
20/11/2016 08:44 آش واقع

ولا حزب الاستقلال طلع قافز بزاف وعطى درس غير مسبوق لكل الاحزاب بهاد الاقتراح: ندعم حكومة بنكيران بدون شرط بدون مشاركة

ولا حزب الاستقلال طلع قافز بزاف وعطى درس غير مسبوق لكل الاحزاب بهاد الاقتراح: ندعم حكومة بنكيران بدون شرط بدون مشاركة

كود احمد الطيب الرباط /////

حزب الاستقلال عارف راسو هاد الايام ففوهة المدفع. عارف باللي مستهدف. كاينة جهة باغية تصفيها ليه. طبعا يستحيل قتل حزب مثل الاستقلال واخا كاينة جهات كتحلم بهاد الشي. الحزب يؤدي ثمنين: اولا ثمن موقفه الرافض لحضور اجتماع ثامن اكتوبر اللي كانو موجدين فيه رئيس لمجلس النواب وبغاو يضربو ضربة قاضية لحزب العدالة والتنمية وثانيا كيؤدي فاتورة مرحلة رئاسة حميد شباط. رئيس متقلب مرة مع هادا مع ضدو.

دابا التحالف مع العدالة والتنمية مكتف. كتفو الحزب بمولاي حمدي ولد الرشيد ومحمد السوسي. يعني ما يمكنش ياخد شي قرار بلا رأي هادو.

حزب فوضعية محاصرة نوعا ما ورئيس الحكومة المكلف عبد الاله بنكيران متشبث بيه لدرجة ان حكومتو موحالش تتكون بسبب فيتو ماشي غير التجمع الوطني للاحرار حتى حليفو الاتحاد الاشتراكي ومن خلال تصرفاته لحد الان ما مفاهمش معاه بسبب الصراع على شكون باغي ياخد رئاسة مجلس النواب.

حزب فهاد الوضعية ممكن يلعب بورقة باش يضرب كاع الخصوم ديالو. هاد الشي كيقولوه قياديين استقلاليين ل”كود”. “ممكن الحزب يطلع كبير ويضرب كلشي اللي باغي ينهش فلحمو ويعلن الدعم لحكومة بنكيران بلا ما يدخل فيها. غير خاص خطاب قوي مقنع فهاد اللحظة ماشي المعيور والسبان” يشرح مصدر “كود”.

فهاد الحالة بنكيران يقدر يدير حكومة فيها غير التجمع الوطني للاحرار مع الاتحاد الدستوري اللي لاصق فيه والتقدم والاشتراكية. فهاد السيناريو ممكن يكون عدد الوزراء قلال بزاف ويتم تجاوز حالة البلوكاج كلها. طبعا هاد الشي خاصو تجاوز هاد الفقصة اللي كيشعر بها كل استقلالي اللي تحول من حزب وطني الى حزب منبوذ من قبل بعض الجهات.

موضوعات أخرى

28/03/2024 14:00

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد