كود سبور//
كشف الإعلامي الإيطالي فابريسيو رومانو، أن الكونطرا الجديدة ديال الدولي المغربي أشرف حكيمي مع باريس سان جرمان الفرنسي واجدة.
وحسب فابريسيو رومانو اللي متبع مزيان انتقالات اللاعبين فأوروبا ومتخصص فيها، فالعقد الجديد ديال أشرف حكيمي مع باريس سان جيرمان واجد تقريبا، والمسؤولين بالنادي الفرنسي والمدرب لويس انريكي فرحانين به.
وكان لويس انريكي مدح أشرف حكيمي اليوم الجمعة ملي سولوه خلال الندوة الصحافية قبل ماتش الفريق ضد لانس، على الحظوظ ديال النجم المغربي فالفوز بالكورة الذهبية وقال أنه ما شافش شي ظهير أيمن من قبل فحياتو بحال اشرف حكيمي.