وكالات//

تهزات دولة غينيا على وقع حادثة خايبة بزاف، مشات الضحية ديالها بنت صغيرة  مسكينة عندها غير 8 شهور.

على حساب ما جا فجورنال “الديلي ميل” البريطاني، فالبنت كانت هازاها مها حدا غابة في غينيا، قبل ما يهجم عليهم قرد كبير من نوع الشمبانزي.

وجا ف تقرير الصحيفة أن الشمبانزي هاجم الام، وسرق ليها بنتها، وهو يدخلها للغابة وتما ذبحها.

وقالو مصادر غينية للصحيفة ان الشامبانزي شوه ليها وجهها، وجبد ليها المصارن ديالها.

وكيقولو العلماء، ان عادة الشمبانزي كيكونو ضريفين مع البشر ومكيديروش هادشي، ولكن السلوك البشري وحرق الغابات هو لي خلاه يولي عنيف بحال هكا.