كود – كازا ///

قالت جريدة لاغازيثا الإسبانية، أن مهاجر مغربي تحكم عليه بـ8 سنين ديال الحبس، مع 5 سنين أخرى تحت المراقبة، بالإضافة إلى دفع تعويض قدره 30 ألف يورو للضحية، ومنع الاقتراب منها لمسافة 500 متر. الضحية هي مراتو القاصر اللي تزوجها ف المغرب وداها معاه للصبليون.

وحسب الصحيفة الإيبيرية، المهاجر كيبلغ من العمر 44 عام ودوز العذاب على الضحية لمدة 8 سنين. وكان كيقول للناس تماك: راها بنت اختي. ومنذ وصولها إلى مقاطعة كاستيلون، خضعت الفتاة القاصر لنظام من السيطرة الكاملة.

وأضافت لاغازيتا، أن الضحية كانت بحال الخدامة عند المتهم غير شغل الدار والجنس. الحاجة الوحيدة اللي كانت متنفس ليها هي القراية وكانت ف نفس الوقت حبل نجاة ليها، بعد الشكاية اللي قدماتها المدرسة ديالها ضد راجلها للمصالح المعنية.

https://gaceta.es/espana/el-gobierno-devuelve-los-elogios-a-la-presidenta-de-red-electrica-tras-el-mayor-apagon-de-la-historia-de-espana-20250430-1618/?scroll-event=true