كود سبور//
كيواصل الدولي المغربي الشاب بلال الخنوس، خطف الأنظار وإعجاب متتبعي كرة القدم بالعالم من بعدما خطف اهتمام أندية أوربية كبيرة باغيا تسني معه الصيف المقبل.
الاتحاد الدولي لكرة القدم متبع بلال الخنوس والمستوى اللي كيقدم مع المنتخب الوطني المغربي، وقال عليه بالحساب ديالو بموقع تويتر: “واحد من ألمع الأسماء الصاعدة في سماء الكرة العربية والعالمية، بلال الخنوس، في عمر الـ18، يُثبت أنه قادر على تحمل المسؤولية واللعب مع منتخب المغرب”.
للإشارة فبلال الخنوس فضل يلعب المنتخب الوطني المغربي على المنتخب البلجيكي، وبالرغم من أن الاتحاد البلجيكي والمسؤولين فيه حاولوا يغيروه ولكن هو رفض كانت عندو إرادة قوية باش يلعب للمغرب ويحقق الأمنية ديالو وديال عائلتو وفي مقدمتهم الجد ديالو اللي وصاه باش يحمل قميص المنتخب المغربي.
