كريم الصوفي – كود//
ذكرات تقارير إخبارية، أن إنتاج لاڤوكا بكميات كبيرة ف كل من المغرب واسرائيل والصبليون، إضافة إلى تشيلي وكولومبيا والمكسيك ساهم بشكل كبير في انخفاض أسعار هاذ الفاكهة ف أوروبا وبلاصة ما كان الأوروبي كيدفع 58 أورو باش يشري كوربة فيها 4 كيلو ديال لاڤوكا ولى كيخلص غير 12 أورو ويشري نفس الكمية.
وأضافت قناة “RFI” ف تقرير لها، أن الموردين اذا ما نقصوش من عمليات الانتاج، غادي تستمر أسعار لاڤوكا ف الانخفاض ف السوق الأوروبية. وأشار التقرير ذاته، أن المغرب قدر يفرض وجود لاڤوكا ديالو في الأسواق العالمية بفضل جودة المنتوج اللي تضاعفات الكمية المصدرة ديالو حوالي 3 مرات إلى الدول الأوروبية.
كما تزادت المساحة المخصصة لزراعتها بنسبة أكثر من 150 في المائة مقارنة مع السنة الماضية. وكشفت معطيات رسمية مغربية، أنه في أقل من 10 سنين، انتقلات صادرات المغرب من هاذ الفاكهة من 2000 طن سنة 2010 إلى 33 ألف طن سنة 2019.
