ورقة صاوبها گوتيريش حول نزاع الصحراء للجنة الرابعة: الحالة السائدة تسببات فصعوبات كبيرة لمينورسو بحال اللوجستيات وإعادة التموين . الجزء 1
وكالات//
كشفات ديبي رو، الزوجة السابقة ديال نجم البوب الميريكاني الراحل مايكل جاكسون، أنها كتشعر بتأنيب الضمير حيت ما منعهاتش طليقها من التعاطي للمسكنات، وهادشي لي تسبب في الوفاة ديالو.
ديبي شبعات بكا في لقاء في الفيلم الوثائقي لي عرضاتو قناة “FOX” والعنوان ديالو “who really killed michael jackson”، وقالت: “كان خاصني ندير شي حاجة ولكن ما درت والو”.
الطليقة ديال مايكل جاكسون قالت أنها كانت مدركة بالمخاطر لي كتسببها هاد المسكنات الا تخادت بزاف، وهادشي لي تسبب لمايكل جاكسون في الإدمان، ولأنها عمرها ما حذراتو فهي كتعتبر راسها مسؤولة على الموت ديالو.
وكان مايكل جاكسون تزوج بمراتو ديبي باتفاق أنها تولد ليه، ودار معاها الحقن المجهري باش ولدات ليه جوج ديال الأطفال، بعدها طلقها وعطاها المقابل المالي ودار في كاليفورنيا كيفما كان متفق معاها.
مايكل جاكسون كان في 2009 وهو فعمرو 50 عام، بسبب اوفردوز من الأدوية المسكنة، لي كتبهم ليه طبيبو الشخصي، الدكتور كونراد موراي، هاد الأخير كان تحبس بتهمة القتل غير العمد وتطلق سراحو في 2013.