الطلب على العقارات تبدل فالمغرب. المشترين ولاو كيفضلو السكن لي كاين فالسونطر ديال المدن وإقبال متزايد على الاستوديوهات لي واصل ثمنها لمليون درهم للفوق
وكالات //
قال جورنال “Marca” الصبليوني أن واحد لاجونس سميتها “Zen Models” كتحاول تستاغل الشهرة ديال الممثلة الميريكانية آمبر هيرد، خصوصا مؤخرا من بعد خسارتها لقضية التشهير اللي رفعها ضدها راجلها السابق جوني ديب، وعرضات عليها تمثل دور ففيلم ديال البورنو.
فتفاصيل الخبر قال الجورنال المشهور فإسبانيا أن هاد لاجونس عرضات على آمبر هيرد 9 مليون دولار، باش تشارك ففليم ديال البورنو بعنوان “High Voltage”.
وصرحات المديرة ديال لاجونس اللي مكلفة بالكاستيتكَ، وقالت أنهم تلقاو عروض من شركات الإنتاج كيقتارحو تكون آمبر هيرد البطلة ديال الفيلم المذكور، اللي غادي يكون “ترفيهي ومخصص للناس الماجور فقط”، حسب تعبيرها.
وقالت المديرة أن شركات الإنتاج فكرو فآمبر هيد أولا لأنها بوكَوصة، وثانياً لأنها كتعاني من مشاكل مادية بسبب الغرامة اللي خاصها تخلص لجوني ديب، هادشي اللي خلا العروض المغرية تعطى ليها”.
هادشي كعا بزاف ديال المتتبعين فالسوشل ميديا واعتابروه محاولة مفضوحة من شركات إنتاج طماعة اللي غرضها غير الرباح وما مسوقاش لشي حاجة أخرى، (محاولة) لاستغلال الحالة النفسية والمادية المقودة اللي كتعيشها آمبر، خاصة وأنها مؤخرا ديكلارات فاييت وباعت دارها، كيف ذكرات الصحافة العالمية، وبللي مابقاوش عندها فلوس باش تزيد تعيش طرونكيل بالستيل اللي موالفاه من قبل.