الرئيسية > كود-تيفي > جريمة فحق الطفولة.. 2 دراري واحد عندو 10 سنين ولاخور 11 مشا بيهم باهم يخطبو بنيتات صغار! – فيديو 
29/07/2022 02:00 كود-تيفي

جريمة فحق الطفولة.. 2 دراري واحد عندو 10 سنين ولاخور 11 مشا بيهم باهم يخطبو بنيتات صغار! – فيديو 

جريمة فحق الطفولة.. 2 دراري واحد عندو 10 سنين ولاخور 11 مشا بيهم باهم يخطبو بنيتات صغار! – فيديو 

وكالات //

تدار فمدينة إربد” الأردنية حفل خطوبة، ل2 وليدات صغار (مهنا و محمد)، واحد فعمرو 10 سنين، ولاخور 11 العام، وهادشي اللي نوض الصداع وصدم بزاف ديال الناس اللي سمعو بهاد الهبال وخلا عدد من الأردنيين كيطالبو بمتابعة واليديهم ومعاقبتهم بلا تردد بسباب انتهاكهم لحرمة الطفولة و جريمة سوء معاملتهم لوليداتهم.

وكاينة تقارير إعلامية أخرى كتهضر على أن القضية فيها عرس وحفل زواج ديال قاصرين وماشي غير خطوبة (اللي حتى هي كارثة)، وتدارت حفلة كبيرة وحضرو ليها بزاف من المتواطئين مع هاد الويل، وخا هادشي نكروه أطراف من فاملية هاد الوليدت الضحايا.

وهضرات “سكاي نيوز عربية” مع الأب ديال هاد 2 ولاد، وقال بكل وقاحة وغباء بللي “هذا غير حفل خطوبة، والزواج ماغديش يكون حتى يوصلو ل18 لعام، السن القانوني فالبلاد”.

وزاد قال هاد “المريض” بللي تدارت هاد الخطبة، باش ينفد الوعد ديالو لجد هاد الوليدات، اللي هو يمشي يخطب ليهم مللي يوصلو ل10 سنين.

فمواقع التواصل الاجتماعي فالأردن، هاد الجريمة فحق الطفولة ووليدات أبرياء كعات بزاف ديال الناس، وطالبو من المسؤولين باش يجرو واليدين هاد الدراري للقضاء، خصوصا الأب ديالهم اللي كيبان داير فيها “السي سيد” بحال الكثير من الأشخاص اللي فهاد المجتمعات الذكورية الغارقة تخلف وأمراض اجتماعية جارينها معاهم عبر سنوات.

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد