الرئيسية > آش واقع > وزيرة المالية: ارتفاع ثمن المازوط وليصانص واقع.. ومايمكنش نرجعو للدعم فهاد القطاع حيث ماغيستافدوش منو المواطنين
04/07/2022 15:45 آش واقع

وزيرة المالية: ارتفاع ثمن المازوط وليصانص واقع.. ومايمكنش نرجعو للدعم فهاد القطاع حيث ماغيستافدوش منو المواطنين

وزيرة المالية: ارتفاع ثمن المازوط وليصانص واقع.. ومايمكنش نرجعو للدعم فهاد القطاع حيث ماغيستافدوش منو المواطنين

كود الرباط //

جددت نادية فتاح العلوي، وزيرة الاقتصاد والمالية وإصلاح الإدارة، التأكيد على أن الدولة ماغاديش تدعم المحروقات، مؤكدة بللي مايمكنش نرهنو الدولة الاجتماعية بهاد الدعم، فإشارة إلى برامج إصلاح التعليم والصحة وتعميم الحماية الاجتماعية وتنزيل الأوراش الكبرى.

وقالت العلوي، خلال جلسة الأسئلة الشفوية بالبرلمان اليوم، بللي ارتفاع الأسعار “واقع ناتج عن أزمات متتالية ونقص فاللوجستيك وغيرها”، مضيفة: “الحكومة واعية بمشكل ارتفاع أسعار المحروقات وكاين مبادرات متنوعة لحل هاد المشكل، كاين مجهود فصندوق المقاصة بزيادة 16 مليار درهم، والحفاظ على أسعار الما والضو ودعم مهنيي النقل”.

وتابعت: “دعمنا 180 ألف عربة خلال 3 شهور، وزدنا 40 فالمية فالدعم ديال وسائل النقل، حتى أن نسبة التضخم دبا لابأس بها”، مشددة بللي بهاد المعطيات ماخاصناش نقارنو راسنا بدول آخرين اللي عندهم انخفاض فأسعار المحروقات بحال مصر مثلا، وقالت: “مايمكنش نقارنو راسنا بدول أخرى فيها نسبة تضخم مرتفعة”.

وأردفت الوزيرة نادية فتاح العلوي: “مايمكنش نديرو دعم للمحروقات لأنه ماغيمشيش للمواطن وماغيستافدش منو، ومايمكنش أيضا نرهنو برامج ديال الدولة الاجتماعية بسبب هاد الدعم”، مشيرة بللي الدولة محافظة على التوازنات المالية باش نلتزمو بالبرامج الاجتماعية.

موضوعات أخرى

15/08/2022 09:00

الدولة كتعطي للصحافة الدعم ولخبار لصحابهم ف”جون افريك”. كيفاش سربو ليهم التعديل الحكومي وبالاسم وقبل خبار مرض ام الملك. هاداك الدعم زيدوه فيكم ايلى كنتو ما تايقين فصحفكم

15/08/2022 08:00

“كود” قالت ليكم مافيدوش. وفينك يا بوريطة يا مول لمقص. علاش باش فرانسا كتهين لمغاربة سرطي لسانك وباش كولومبيا عتارفات بالبوليساريو ضربتي الطم

15/08/2022 07:00

تقرير للباروميتر العربي بجامعة “برينستون” الأمريكية : 34 ف المائة من المغاربة باغيين يخويو البلاد والأغلبية لأسباب اقتصادية