وكالات //

يبدو أن القضية بدات كتحماض عند شاكيرا (45 عام) بعدما رفضات محكمة فبرشلونة الاستئناف  اللي كانت قدماتو المغنية الكولومبية، وبالتالي كاين احتمال كبير يتابعوها بتهمة “الاحتيال والتهرب الضريبي”.

المحكمة الإسبانية صادقات على قرار سابق صدر ف2021، كيقول بللي كاينة “أدلة مهمة” ضد شاكيرا كتورطها فالتهرب من أداء واجباتها الضريبية.

ممثلو الإدعاء، قالو بللي شاكيرا ما دفعاتش 14.5 مليون أورو (15.54 مليون دولار) من الضرائب على الدخل اللي ربحاتو بين 2012 و2014.

وفالمقابل دفاع شاكيرا كيأكد بللي موكلتهم ماسكناتش بشكل مطول فإسبانيا حتى لعام 2015 (بعدما تصاحبات مع مدافع البارصا جيرار بيكي) وخلصات كلشي الضرائب اللي عليها من داك الوقت.

ويذكر أن شاكيرا بقات كتخلص ضريبة على السكن اللي كان عندها فالباهاماس حتى لعام 2015.