الرئيسية > كود سبور > 7000 بيي و700 بوليسي لماتش الوداد والجديدة…كلشي خايف من الشغب
05/10/2019 14:00 كود سبور

7000 بيي و700 بوليسي لماتش الوداد والجديدة…كلشي خايف من الشغب

7000 بيي و700 بوليسي لماتش الوداد والجديدة…كلشي خايف من الشغب

مصطفى الشاذلي – كود سبور//

إدارة الدفاع الحسني الجديدي طبعات 7000 بيي لماتش ديال الوداد البيضاوي غدا الأحد بالملعب العبدي فالجديدة، برسم المباراة المؤجلة عن الدورة الأولى من منافسات البطولة.

وحددت ثمن ديال البيي ف30 درهم للمدرجات العادية و100 درهم للمدرجات الجانبية و200 درهم للمنصة المغطاة.

هاد الأثمنة ما غاديش تمنع جمهور الفريقين من الحضور بكثافة، واخا العدد لي حداتو الإدارة لانصار الوداد البيضاوي قليل مقارنة مع ما هو مخصص للجمهور الدكالي.

الجمهور عوال ينزل الملعب من الصباح، وهو السبب لي خلا السلطات الأمنية فالجديدة تخصص 700 بوليسي الماتش باش يامنوه ويحافظو على سلامة المشجعين ويتدخلو فالوقت المناسب، إلا وقعات شي فوضى.

علاش هد العدد الكبير من البوليس، السلطات الأمنية خايفة لا توقع اشتباكات مرة أخرى بين فصيلي “كاب صولاي” و”دوس كالاص”، كيف ما وقعات فالماتش ديال الدفاع الحسني الجديدي والجيش الملكي فالملعب البلدي بالقنيطرة نهار الأربعاء لي فات برسم ثمن نهائي كأس العرش.

موضوعات أخرى

13/08/2020 01:00

هي كانت راجل وولات مرا وتزوجات براجل كان مرا وحمل وولد ولدهم اللول .. الكوبل المتحول جنسيا مازال منوض روينة وكيصدم فالبشار -تصاور