كود – كازا ///

قالت جريدة إل فارو دي ثيوتا، أن مجموعة ديال الحراگة مكونة من 7 ديال المواطنين جزائريين استغلو، في الساعات الفايتة، الضبابة وضربوها بحرگة من المغرب لسبتة.

وأضافت الصحيفة ذاتها، أن هاذ الحراگة ضربوها عومان على حاجز الأمواج ديال تراخال، وغير وصلو لقاو الحرس المدني كيتسناهم وتم توقيفهم وإحالتهم على مركز احتجاز ديال المهاجرين السريين.

وعرفات السيمانة الفايتة تزايد في وتيرة الحريگ من المغرب لسبتة، خاصة على الواجهة البحرية، سوا عومان أو عبر الجيت سكي. وتستغل شبكات الاتجار في البشر سوء الظروف المناخية خاصة الضبابة اللي كتحجب الرؤية الليلية والنهارية وسط البحر وعلى الشواطئ.