الرئيسية > كود-تيفي > القرآن ف انتخاب عمدة الرباط.. مستشار قرا سورة “المنافقون” باش يكلاشي اللي خواو بولد لشگر – فيديو
24/09/2021 14:00 كود-تيفي

القرآن ف انتخاب عمدة الرباط.. مستشار قرا سورة “المنافقون” باش يكلاشي اللي خواو بولد لشگر – فيديو

القرآن ف انتخاب عمدة الرباط.. مستشار قرا سورة “المنافقون” باش يكلاشي اللي خواو بولد لشگر – فيديو

احمد الطيب – كود الرباط//

تزامنا مع انتخاب عمدة الرباط، ناض مستشار جماعي سميتو حميد فخار من حزب “الدنفيل”، وقرا سورة المنافقون.

هاد المستشار اللي طلع ف يعقوب المنصور، قرا السورة وسط جلسة الانتخاب، وكولشي كيضحك وفاهم علاش قراها وسط الجلسة، فيها كلاشات ورسائل للمستشارين لي عطاو وعد لولد لشگر، لحسن لشگر باش يدعموه فالانتخاب.

حتى مستشاري البي جي دي بداو كيضحكو واخا المستشار كيقرا سورة المنافقون، حيث فهموا بلي المقصود هو مجموعة البحراوي ومجموعة مستشاري الاحرار ف يعقوب المنصور واليوسفية، لي عطاو الكلمة لمرشح الاتحاد الاشتراكي لحسن لشگر.

قصة الآيات اللي قرا المستشار؛ هو الرد على العشا لي دار لبارح فدار اغلالو وحضرو ليه كاع الغاضبين والداعمين لولد لشگر وانقلبو ف أخير لحظة وصوتو لاغالاو.

هاذ المرة مكانوش احداث عنف او احتجاجات قوية باستثناء انسحاب البي جي دي من عملية التصويت على نواب الرئيسة الجديدة اسماء اغلالو.

موضوعات أخرى