الرئيسية > آش واقع > تداعيات الجايحة وصراع ورثة الشعبي.. اغلاق جميع لوطيلات لمجموعة “موگادور” بمراكش شرد المئات من العائلات -فيديو
06/07/2021 20:30 آش واقع

تداعيات الجايحة وصراع ورثة الشعبي.. اغلاق جميع لوطيلات لمجموعة “موگادور” بمراكش شرد المئات من العائلات -فيديو

تداعيات الجايحة وصراع ورثة الشعبي.. اغلاق جميع لوطيلات لمجموعة “موگادور” بمراكش شرد المئات من العائلات -فيديو

كود الرباط //

نظم العشرات من عمال ومستخدمي مختلف الوحدات الفندقية التابعة لمجموعة رياض موكادور بمراكش، صباح اليوم، وقفة احتجاجية ضد قرار الاغلاق المفاجئ لهذه الوحدات الفندقية.

واوضح نقابيون في اتصال مع “گود” أن كل الوحدات الفندقية تسدات وبدون اشراك النقابيين اللي كيطالبو بالعدول على القرار وكيطالبو السلطات المحلية التدخل لانقاذ كل ما يمكن انقاذه، لأن المستخدمين والمستخدمات سيتضررون وغادين يعانيو من ويلات التشرد.

https://fb.watch/v/1c0VMvl_N/

الاغلاق المفاجئ لهاد الوحدات الفندقية خسارة كبيرة لمراكش، خصوصا مع انطلاق الموسم السياحي وبعد سنتين من الجائحة والاغلاق.

الوحدات التابعة لمجموعة موكادور بمراكش، اللي تسدو، يتعلق الامر بفنادق رياض موكادور، المنزه، المنارة، جليز، اوبرا ، أكدال ،مراكش، وفندق القصبة.

هاد الاغلاق التام، قد  يتضرر منه قرابة 700 مستخدم تابع لمجموعة “اينا هولدينغ” المملوكة لعائلة رجل الاعمال الراحل ميلود الشعبي، وفق ما نشره موقع “كش24”.

روينة فمراكش بسبب قرار الاغلاق، خصوصا وان الوالي الحالي ديال الجهة مدارش مجهود كبير باش تنوض السياحة من جديد.

اصلا هاد المدينة ماتت سياحيا بسبب كورونا ودبا غادي تدفن بسبب غياب السرعة في اتخاذ القرارات وانقاذ المؤسسات الفندقية. طبعا ماشي غير موكادور اللي سدات، مؤسسات كثيرة سدات ومحلات مبغاتش تزيد تحل بسبب التدبير السيء لهاد القطاع الحساس من طرف الولاية والمسؤولين على السياحة بمراكش.

 

موضوعات أخرى

29/07/2021 19:00

وخا الدق القاصح اللي كلاتو السياحة وهاد الموجة ديال السلالة الجديدة “دلطا”.. أوطيلات كاتقاتل باش تروج الحركة فهاد الصيف

29/07/2021 17:30

حرمان طلبة الطب من “منحتي” ورطات أمزازي مع رئيس الحكومة.. شكايات كثيرة نزلات على رئاسة الحكومة والبرلمانيين كاعيين على التأخر فحل المشكل