الرئيسية > كود-تيفي > التدعشيش أنواع. شيخ متطرف بغا يرجعنا قرون لور وقالك الموسيقى حرام.. وسيدنا سبق رفض نشر هاد الافكار اللي “كتضرب المجتمعات المتشبعة بقيم الحرية” – فيديو
17/04/2021 19:00 كود-تيفي

التدعشيش أنواع. شيخ متطرف بغا يرجعنا قرون لور وقالك الموسيقى حرام.. وسيدنا سبق رفض نشر هاد الافكار اللي “كتضرب المجتمعات المتشبعة بقيم الحرية” – فيديو

التدعشيش أنواع. شيخ متطرف بغا يرجعنا قرون لور وقالك الموسيقى حرام.. وسيدنا سبق رفض نشر هاد الافكار اللي “كتضرب المجتمعات المتشبعة بقيم الحرية” – فيديو

كود كازا//

الدواعش عيقو بالأفكار ديالهم المتطرفة اللي باغيين يرجعو بيها المغرب لور لور، بحال الشيخ ياسين العمري اللي تعرف بخرجاتو اللي كلها غلو وتشدد، وكيتدخل من خلالها فحياة الناس وشؤونهم، ويحلل ويحرم لي بغا بدون وجه شرع.

ففيديو جديد ليه، فلقاء مع طلبة فمدرسة المهندسين، رجع ثاني العمري ينشر فالفكر الداعشي، مللي قال للحاضرين أن الناس اللي كيسمعو الموسيقى “بحال اللي كياقطر ليهم الحار والقطران والكبريت والميكة شاعلة فيها العافية فودنيهم”.

وزاد ياسين العمري، بنبرة عامرة عداء وحقد على الفن والجمال، بأن الموسيقى من السيئات، وان “أغنية وحدة كتحط فكفة السيئات يوم القيامة، وماشي غير حشومة وحرام، وأنا متشدد وأنت اللي كتسمع ليها درويش”.

وتابع العمري فدخول الصحة دالناس وقال أن “اقبح ما يؤدي به الإنسان نفسه هو صوت الهاتف”، كناية على الناس اللي كيصوني ليهم التيليفون فالجامع، وطلب منهم باش يقطعو ليه الصوت.

والناس على مواقع التواصل الاجتماعي بارطاجاو على نطاق واسع فيديو العمري، واعتبرو أن هذشي اللي كيقول ماعندوش اساس من الصحة، وهو نوع من الافكار المتطرفة اللي ممكن تساهم فتطرف المجتمع كامل.

وجبدو النشطاء مقتطف من خطاب للملك محمد السادس، قال فيه ان هذ المنطق باش غاديين هذ المتشددين، بحال القول بان من يستمع إلى الموسيقى ستبلعه الأرض، هو مجرد أكاديب، الغرض منها استعمال كَاع الوسائل الإقناعية لإقناع الشباب بالانضمام إليهم وضرب المجتمعات المتشبعة بقيم الحرية والتسامح والانفتاح.

موضوعات أخرى

12/05/2021 00:00

رمضان وكونفينمون (الحلقة 27).. الممثل أمين الناجي فحوار مع “كود”: مازال عندنا نقص ف”السيتكوم”.. وحتى عمل فني مافيه إساءة غير اللي فيه الفز كيقفز