عفراء علوي محمدي- كود//

توصل المغرب، اليوم الجمعة، بأول دفعة من جرعات لقاح “فايزر/بيونتيك”، اللي كتكون من 600 ألف جرعة.

وحسب مصدر من اللجنة الوطنية للتلقيح، فدفعات أخرى غيوصلو فالأيام القليلة الجاية.

وهذ اللقاح غادي يتعطى للشباب الصغار، اللي بين 12 عام و17 لعام، بحيث تعرف عالميا بملاءمتو لهذ الفئة، بينما لقاح سينوفارم مازال مابيناتش الدراسات التأثير اللي ممكن يدير عليها.

وكيبلغ عدد هذ الفئة فالمغرب ما يقارب 3 مليون شخص، وهكذا فغيخص تقريبا 6 مليون جرعة من هذ اللقاح.

وكانت علنات وزارة الصحة على تنظيم دورات تدريبية للمهنيين اللي منخرطين فحملة التلقيح، حول استخدام لقاح “فايزر/بيونتيك” الجديد.