الرئيسية > آش واقع > 6 شهور وغرامة فحق التونسية اللي بارطاجات سورة كورونا!
14/07/2020 21:30 آش واقع

6 شهور وغرامة فحق التونسية اللي بارطاجات سورة كورونا!

6 شهور وغرامة فحق التونسية اللي بارطاجات سورة كورونا!

عفراء علوي محمدي- كود//

حكمات المحكمة الابتدائية بتونس العاصمة، اليوم الثلاثاء، على المدونة آمنة الشرقي، ب6 شهور ديال الحبس، وغرامة 650 أورو (6500 درهم تقريبا) بتهم “الدعوة والتحريض على الكراهية بين الأديان والأجناس والسكان” و”التيل من الشعائر الدينية”، وهذشي بعدما حطات سورة كورونا فحسابها على فيسبوك.

والقضاء التونسي قرر يتابع الشرقي (27 عام)، بعدما تم استدعاءها من طرف البوليس فالعاصمة التونسية، للتحقيق فداكشي اللي نشرات، وتابعوها فحالة صراح بتهمة “مس بالمقدسات والاعتداء على الأخلاق الحميدة”.

وكانت قالت المحامية، إيناس الطرابلسي، أن الشرقي متابعة وفق المادة الساتة من الدستور التونسي، باعتبار أن الدولة “راعية للدين ولحرية المعتقد والضمير وممارسة الشعائر الدينية… وحماية المقدسات ومنع النيل منها…”

وخرجات منظمة العفو الدولية “أمنستي”، فماي اللي فات، كتستنكر متابعة الشرقي، وقالت أن فهذشي تقويض لحرية التعبير فهذ البلاد اللي كتعتبر ديمقراطية ناشئة.

موضوعات أخرى

08/08/2020 20:30

حصيلة كورونا فالأقاليم والجهات: كازا هي اللولة فعدد الإصابات اليومية والوفيات.. وجهة درعة فاتت جهة العيون فالطوطال ديال الحالات

08/08/2020 19:30

خوانجية فيسبوك وكبيرهم أحمد منصور دارو فراسهم الضحك.. نسبو بناية كويتية متأثراتش بانفجار بيروت لآل أردگان والعثمانيين.. وطلقو الكذبة وتيقوها

08/08/2020 19:00

على خطى ندى حاسي “كيم كارداشيان الخميسات”.. حتى نهيلة باربي دارت الحجاب ونزل عليها الايمان غير مازال ماعرفناش شحال دالوقت غادوم هاد “الهداية” – فيديو