وكالات //

قدر راجل أندونيسي، عندو 30 عام، أنه يدير نهاية للعذاب اللي كان عايشو تمساح 6 سنين هادي، بعدما وحلات ليه رويضة كواتشو ديال موطور في عنقو.

السيد، اللي هو تاجر ديال الحمام والدجاج، قدر يلاهي التمساح بشوية ديال الماكلة وبمساعدة بعض الناس من منطقتو، وحيد ليه الپنو باستخدام منشار.

الراجل اللي سميتو “تيلي” (Tili) قال أن بزاف الناس ماتاقوش فيه، وكان يصحاب ليهم غير كيضحك، لكن أكد ليهم العكس وقدر يهني التمساح من تكرفيس عاش فيه لمدة طويلة.