نجوى المالحي-كود//

من بعد الانتقادات الكثيرة لي تلقاتها في الآونة الأخيرة، كتحاول رباب أزماني مرات المغني فريد غنام تحسن صورتها وصورة راجلها بعدما كثرات من استعمال انستكَرام للبيع والشرا والربح.

رباب أزماني، حاولت تخرج راسها من الموجة واستغلت مناسبة العيد الصغير باش توجه رسالة للمتتبعين ديالها، قالت فيها أنها غادي تبعد على البيع والشرا في انستگرام.

ونشرت رباب أزماني بوسط على حسابها، كتبات فيه أنها رفضات تلبس هي وبنتها ملابس عيد الفطر من ماركات مغربية كانوا راسلوها باش دير ليهم الإشهار، لأسبابها الخاصة.

رباب أزماني قالت أنها شرات لبنتها وليها ولراجلها بيجامات عاديين ورخاص باش تبين ان العيد ماشي هو لحوايج الفاخرين والغاليين ولا حتى لفلوس.

View this post on Instagram

حوايج العيد في زمن كورونا ???? و من مرجان شريناهم حيت غير هو لي مفتوح ???? صورة مع العائلة الكبيرة لي كتونسنا في الحجر الصحي… #barbie #blancheneige #elsa #ana #moana #raiponce #areal #jasmin #labelleetlabete #cendrillon ????بزاف ديال الصفحات في الأنستاغرام اقترحوا عليا يلبسونا و يخالصونا من الفوق مقابل صورة للإشهار و سطوريات… الصراحة عندهم التحاف، و شي كيحانت شي، لا في البلدي ولا في الرومي… ولكن ما بغيتشي نعمل الفرز و نختار واحد فيهم ! و في نفس الوقت ما بغيتش نفقص لي ما عندوش… لهذا السبب فضلت نشري بيجامات متواضعين من مرجان لي في المتناول ديال الجميع ???? ومن هاد المنبر بغيت نقولكم، حوايج العيد ولا حتى الفلوس ماشي مهمين… فرحوا و صليو و دعيو ، ربي يخلينا غير بصحتنا و ينجينا و يطلق سراحنا.

A post shared by Rabab Azmani (@rababazmani) on May 24, 2020 at 11:23am PDT