الرئيسية > آش واقع > 500 مليون سنتيم فالعام لمدة 4 سنين جابتها هاد القاضية الحقوقية لقضية السجينات 
18/06/2021 15:20 آش واقع

500 مليون سنتيم فالعام لمدة 4 سنين جابتها هاد القاضية الحقوقية لقضية السجينات 

500 مليون سنتيم فالعام لمدة 4 سنين جابتها هاد القاضية الحقوقية لقضية السجينات 

كود كازا //

علمت “كود” ان القاضية عائشة الناصري الرئيسة المؤسسة للجمعية المغربية للنساء القاضيات قدمت هاد الصباح لمحمد سالم التامك المندوب العام لادارة السجون واعادة الادماج شيك فيه 500 مليون. هاد الشيك غادي يتعطى كل عام لمدة 4 سنين.

هاد الشيك قدماتو مؤسسة عثمان بنجلون باطرون بنك اوف افريكا. بنجلون بنفسو تلاقى مع القاضية وقدم ليها شيك 2021 وعبر ليها عن شكرو للعمل الميداني اللي كتقوم بيه واكد باللي هاد الشي يتمنى يخدم السجينات.

هاد المبادرة غادية تعاون بزاف التامك اللي كان ديما عندو مشكلة فالميزانية. اليوم تحل ليه جزء من المشكلة بفضل القاضية الناصري

موضوعات أخرى