كود – كازا ///

قالت تقارير إخبارية، إن 50 شخص هاجمو، ليلة الثلاثاء الفايت، مقر كوميسارية ف تورينو بإيطاليا، باش يحررو مغربي معروف بالسجل الجنائي الثقيل ديالو واللي على ودو غادي يترحل للمغرب ف الأيام القليلة للي جاية.

المهاجمين جاو كلهم تقريبا من المراكز الاجتماعية بالتزامن مع  نقله إلى مركز احتجاز مخصص للمجرمين اللي غاد يترحلو برا الطاليان. وتم تخريب عدد من الطوموبيلات ديال البوليس وكتابة عبارات مسيئة عليها. وتصاب ضابط فيما تم اعتقال 4 ديال المهاجمين.

وبعد فشل محاولتهم اللولة مشاو لأكبر ساحة ف المدينة وقدام محطة بورتا سوزا للسكك الحديدية، وهاجمو طوموبيلات ديال الناس وتكرفصو على ممتلكات عامة وعاود رجعو يحاصرو الكوميسارية وشعلو فلامات وتوجهو لعناصر البوليس بشعارات مناهضة.

واتصل رئيس الجمهورية الإيطالية، سيرجيو ماتاريلا، بالشاف الكبير ديال الشرطة المحلية باش يبلغو بالأسف ديالو على هاد الأحداث وأعرب عن تضامنه مع ضباط الدورية التي تعرضات للهجوم في تورينو.