كود – وكالات//

عرف المجمع الأولمبي «لوجنيكي» فموسكو، السبت 19 شتنبر، سباق ماشي عادي بالجري بالطالون، شاركو فيه عيالات فسباق تتابع على مسافة 4 × 200 متر.

المشاركات كان خاصهم يجريو بطالون ما يقلش الطول ديالو على 5 سنتيمترات، مع فستان أنيق وماكياج، المنظمون اشترطو يكون الكعب واقف وماشي من النوع الرفيق.

وقدر فريق «الشيطان» يحتل المركز الأول بعدما قطع السباق فجوج دقايق و25 ثانية، وجا من بعدو فريق «متزلجات جامعة موسكو الحكومية» بتوقيت دقيقتين و29 ثانية، وتبعهم فريق «الوحوش» فالمركز الثالث بجوج دقايق و30 ثانية.

والسباق لي شاركات فيه 50 فرقة كيجمع بين الرياضة والأناقة والترفيه، ولى واحد من الفعاليات الرياضية اللي كتلقى اهتمام فروسيا.