وكالات//

تصدم واحد الراجل سميتو نيلسون شاردي بأنه ماشي بريطاني واخا عاش في البلاد أكثر من 50 عام، وكان كيسحاب ليه واش خدا الإقامة والجنسية ووللا بحالو بحال أي بريطاني.

القصة ديال شاردي، بدات فين مشا لبلادو الأصلية غانا، باش يزور العائلة ديالو، وفين بغا يرجع لبلادو الثانية بريطانيا، تصدم مللي قالو ليه بأنه ماعندوش إقامة وخاصو يبدى الوثائق من جديد لي تقدر تطلب منو 10 سنين.

نيلسون، راجل كبير عندو ف العمر دابا 75 عام، وكان جا من عام 1977 لبريطانيا فين قرا وولا محاسب، وخدا كريديات ودار الدار ودار شركة ديالو، وكبر ولادو حتى ولا واحد فيه عالم وواحد آخر مدير تنفيذي في شركة كبيرة.

وواخا هكاك كتاشف أن بريطانيا ماريكلاتش ليه الوريقات ديالو، ومكتعتابروش نهائيا أنه بريطاني، وهي القضية لي دايرا البوز هاد اليامات في البلاد، وخلات بزاف ديال الناس يتضامنو معاه.