كود احمد الطيب الرباط ////

خرج الموتمر الثامن لحزب العدالة والتنمية بقيادة جديدة قديمة. عاد الحزب الى تيار الاستوزار اللي عارض الولاية الثالثة للامين العام وهو ما كان يعني ولاية ثالثة لبنكيران. هاد المؤتمر خرج حزب جديد مختلف كليا مع الحزب اللي كان فالسابق وعطى للمصباح قيمتو.

هاد الحزب عاش مفارقات كثيرة “كود” غادية تجمعها ف5.

1 =
بنكيران فات الحزب وخرج زعيم كبير
بنكيران خرج قوي وديما غادي يشكل خطر على ابن عرفة: كل ما خطط له تيار الاستوزار من الاستيلاء على الحزب كان يسعى من خلاله كذلك ان يضرب بنكيران ان يخرجه من الباب الضيق. باش يقدر يكون هاد بنعرفة المنقذ الوحيد. بنكيران بان زعيم كبير حسب ما نقله قادة من الحزب. شدد على الوحدة ديال الحزب وخطابو فالافتتاح خلى العدالة والتنمية ما تشتتش. دابا عندو سلطة كبيرة عندو سلطة اقوى من الامين العام واخا ماشي امين عام. غير هو واش غادي يوظفها ولا للا

2=
ابن عرفة ربح بزز الازمي اللي ما عندوش 6 سنين فالحزب

ابن عرفة ربح الامانة العامة ب51 بالمائة. شكون؟ ماشي قيادي تاريخي او شخصية كبيرة فالحزب بل الازمي الادريسي اللي كان وزير منتدب في الميزانية واليوم عمدة فاس. هاد الاطار فالمالية التحق بالحزب سنة 2011. اي حديث الالتحاق. اييه شي بيجيديون قالو باللي الازمي كان مرشح لبنكيران ولكن لا بنكيران لا الازمي حتى هو تكلم باش يدافع على راسو. شكون اللي شوه ودارها؟ ابن عرفة. على غير عادة المرشحين دافع عن نفسه وهدد وجبد الحكومة والانسحاب ووو. بان صغير

3 =
فرض يتيم نائبا ثانيا واخا رفضو المجلس الوطني
ابن عرفة في تصرفاته الغريبة فرض محمد يتيم نائبا ثانيا له. منصب جديد. غير هو المجلس الوطني رفضو فالتصويت الاول. ناض والح وفرضو. طبعا كان يكافئ احد من انقلب على بنكيران ودعم ابن عرفة. تصرف غريب من شخص دعا ويدعو الي الوحدة

4=
اقصاء نصف اعضاء المجلس الوطني فالامانة العامة
ابن عرفة بين الفكر الاقصائي ديالو لمعارضيه فالحزب فالامانة العامة. طلع فقط المدافعون عن تيار الاستوزار. اقصى كل من يخالفه حتى رئيس المؤتمر جامع المعتصم ما وصلش للامانة العامة. طبعا ما يمكنش لعبد العزيز افتاتي اللي جاب اعلى اصوات فالمجلس الوطني ما يكونش ممثل. ابن عرفة حيد 48 بالمائة اللي صووات على الازمي وضد العثماني. هاد الناس ما ممثلينش فالامانة العامة.

5 =
راس الحزب مع الحكومة والقاعدة كلام اخر
دابا الحزب قيادتو مع الحكومة والقاعدة اللي كيمثلها المجلس الوطني منقسمة بزاف. هاد الشي غادي يكون فصالح بنعرفة فحدود. القيادة الجديدة اختارت المصالح الانية. هاد الشي غادي يخلصو الحزب فالانتخابات المقبلة