علي الصافي كود العيون //

خمس أسباب خلات ولد الرشيد ينجح في تنظيم أكبر تجمع حزبي فتاريخ الصحرا:

التحضير المبكر

منذ إعلان برنامج زيارة نزار بركة والقيادة الإستقلالية لمدينة العيون قبل حوالي شهر ونصف من الأن تم تشكيل لجنة منظمة  للتحضير لهذا الحدث المراهن عليه محليا ووطنيا وحتى دوليا خصوصا في الشق المتعلق بالقضية الوطنية حيث تم الإعتماد على خطة عمل. حمدي كان همو ينجح. هو عارف راسو هو الاستقلال. خاصو يبهر كلشي. يوجد رسالة لحزبو لخصومو للدولة للبوليساريو باللي هو سيد لمكان سيد الصحرا. هاد لشي علاش جيش كلشي. خدم كلشي. الفروع والقبايل. قبل لقاء يوم امس دارت اكثر من 100 إجتماع فالأحياء والمقرات والمنازل .

الإعتماد على الشباب والنساء
التنظيم كان شبابي. خدم فيه الشباب وعول عليهم. الشباب اللي محرك. الشباب اللي من قبيلتو ومن غيرها. دار خلية كيشرف عليها ولدو محمد. هادي مولف بيها حمدي.

التنظيم احترافي

بالإضافة للجنة المنظمة و اللي ضمت منتخبين وقيادي الحزب محليا تم التعاقد مع شركة متخصصة كتخدم مع حمدي ولد الرشيد. هي اللي جابها ولد الرشيد لتنظيم المؤتمر الأخير لحزب الإستقلال فالرباط. واللي كان عندها بزاف ديال التحديات من أبرزها توفير 30 ألف كرسي  وكذلك توثيق اللقاء بأحدث التقنية بالإعتماد على 15 كاميرا من بينها الدرون اي الكاميرا الطائرة مع تقليص هامش الخطا إلى الصفر حيت صعيب بزاف تنظم نشاط كبير فالصحراء وفالهواء الطلق وفشهر ابريل بالضبط. هاد الشركة كتخدم بزاف فالصحرا.

هجوم البوليساريو والأحزاب المنافسة محليا

الهجومات المكثفة ديال البوليساريو وبعض الأحزاب المحلية كان عندها دور كبير في تحفيز إستقلاليي الصحراء وبان بلي كان التحدي هو اسكات المنتقيدين باش تسالي الهضرة والحقيقة كان الضغط كبير وبزاف ديال الإشاعات والتهديدات والمنشورات الداعية للمقاطعة وعدم الحضور هاذ شي كلو زاد فالطاقة ديال المنظمين وخلاهم يضاعفو الجهود .

برنامج اللقاء حدو فقدو

برنامج اللقاء كان مضبوط ما فاتش الوقت ديالو. وما فات 45 دقيقة خصوصا وأن الساحة عمرات فظرف نصف ساعة كلشي مختصر ودقيق.