وكالات //

بعد 5 سنين ديال الخصام، تصالحات أخيرا، الفنانة المصرية أنغام مع السورية أصالة، وهادشي وقع مللي كانو بجوجهم حاضرين ف واحد الحفل كان ف الرياض بالسعودية، نهار السبت لي فات.

ونتاشرات على مواقع السوشل ميديا تصاور وفيديوهات كتبين أصالة وأنغام وهوما كيتعانقو، وحضر بيناتهم الرئيس التنفيذي ديال “روتانا” سالم الهندي، وحتى المغنية اللبنانية المشهورة إليسا.

ونشرو بزاف ديال المتابعين ديالهم فيديو كيبين أصالة وهي كتجر أنغام من يدها وسط الزغاريد ديال الحضور.

وف 2019 ناض واحد الصداع خايب بين أنغام وأصالة بعدما تاهماتها الأخيرة بأنها “مخربة البيوت” حيت تزوجات بشي منتج كان راجل صاحبتها.