وكالات//

قضات محكمة ففرنسا بالحْبس لمدة 5 سنين ف حق عمدة مدينة “سانت إتيان” اللي قريبة من ليون، جايل بيردريو، بتهمة ابتزاز منافس سياسي باستعمال شريط جنسي.

وجريدة “لو فيغارو” الفرنسية قالت نهار الاثنين إن المحكمة تبتّ ليها بأن هاد السياسي المحافظ اللي عندو 53 عام صوّر النائب الأول ديالو بكاميرا خفية ف وضعية جنسية فواحد لأوطيل فباريس.

وقالت الجريدة بأن فخّ تدار للنائب الأول ديال العمدة عن قصد، فإطار خطة باش يهمّشوه سياسياً.

وزادت الجريدة بأن عام واحد من العقوبة تْوقف تنفيذه.

العمدة أكد قدّام المحكمة تشبّثو بالبراءة ديالو حتى لآخر الجلسات، وعلن باللي غادي يستأنف الحكم. ومع ذلك، خاصّو يغادر المنصب ديالو فمبنى البلدية مباشرة بعد صدور الحكم.