وكالات//

علنات السلطات ديال تركيا، بشكل رسمي، الموت ديال 5 ديال الناس وإصابة 57 آخرين بسباب واحد التيو ديال الغاز تفركع.

هاد الحادثة المميتة وقعات في مدينة إزمير لي كاينة في الغرب ديال البلاد.

وبارطاجاو بزاف ديال الناس على السيوشيال ميديا فيديو كيبين الحجم الكبير ديال هاد التفركيع ولي أثر على دار على قدها.

في بلاغ ليها، قالت وزارة الداخلية التركية أن عدد من المصابين الحالة ديالهم خطيرة، وأنه وقع فوسط واحد المطعم كاين في نفس الدار.