وكالات//

كلب من الفصيلة ديال “بكينيز” ربح (Pekingese) جائزة أخيب كلب في العالم.

هاد الجائزة جات في المهرجان لي كيتنظم لهاد الغرض في ولاية كاليفورنيا الميريكانية وكيشاركو فيه كلاب من مختلف الأنواع.

على حساب ماقالت وكالة “فرانس بريس” فهاد الكلب عينيه خارجين ونيابو معوجين ووجهو ممقادش وهو لي خلاه يكون الأخيب في المنافسة.

الكلب لي سميتو وايلد ثانغ، هادي هي المشاركة الخامسة ليه في المسابقة، وكان مصمم أنه يدي هاد الجائزة ديال الأخيب في العالم.