الرئيسية > آش واقع > 5 سنين وهو شاد عليها فبرطمة ودايرها عبدة جنسية ديالو.. جاك بوتيي واحد من اغنى الناس ففرنسا ومول شركة كبيرة ديال التأمين عندها فرع فطنجة “Euro-assurance” تعتاقل بسبب اغتصاب قاصر مغربية والاتجار بالبشر
27/05/2022 19:30 آش واقع

5 سنين وهو شاد عليها فبرطمة ودايرها عبدة جنسية ديالو.. جاك بوتيي واحد من اغنى الناس ففرنسا ومول شركة كبيرة ديال التأمين عندها فرع فطنجة “Euro-assurance” تعتاقل بسبب اغتصاب قاصر مغربية والاتجار بالبشر

5 سنين وهو شاد عليها فبرطمة ودايرها عبدة جنسية ديالو.. جاك بوتيي واحد من اغنى الناس ففرنسا ومول شركة كبيرة ديال التأمين عندها فرع فطنجة “Euro-assurance” تعتاقل بسبب اغتصاب قاصر مغربية والاتجار بالبشر

اسماء غربي – كود//

اعتقلت السلطات الفرنسية، نهاية السيمانة اللي فاتت، جاك بوتيي Jacques Bouthier، رجل أعمال ومول شركة التأمين “Assu2000” اللي عندها فرع فطنجة سميتو “Euro-Assurance”، بتهم الاتجار بالبشر واغتصاب قاصر سنها قل من 15 العام.

وحسب وسائل إعلام فرنسية منها “RTL” اللي فجرات القضية، جاك بوتيي، اللي كيتعتابر واحد من اغنى الناس ففرنسا، متهم بالاتجار بالبشر ضد القاصرين، وتدار فالحبس الاحتياطي من نهار السبت اللي فات.

وحسب نفس المصادر، القصة بدات من بعد شكوى حطاتها بنت من اصول مغربية فعمرها 22 عام، فمركز بوليس باريس، فمارس اللي فات، قالت فيها انها كانت تقريبا اسيرة عند بوتيي لمدة 5 سنوات، وكان كيغتاصبها..

ووضحات لهم ان بوتيي قالها: “صافي نتي وليتي كبيرة بزاف بالنسبة ليا، وخاصك تقلبيلي على وحدة صغيرة نبدلك بيها”. وهنا جابت ليه قاصر رومانية فعمرها غير 14 العام باش تاخد بلاصتها.

وفاش جابت البنيتة لهاد السيد اللي فعمرو 75 عام، قدرات تصورهم فالفراش وهو ناعس مع القاصرة، وعطات الفيديو للبوليس، وفتحو تحقيق.

ومن التحقيق ديال البوليس، تبين ان البنت كانت تحت تأثير جاك بوتيي وخايفة منو. وتبين كذلك انها فقيرة ماعندها موارد وماعندها اللي يعاونها او يعتقها.

وبوتيي هو رئيس مجموعة “Assu 2000” اللي ولات سميتها مؤخرا “Vilavi”، واللي اسسها ف 1975 فاش كانت فعمرو 28 عام. وكتقدم راسها كأول وسيط خبير فالتأمين والائتمان ففرنسا.

ودابا كاينة هضرة على انه عندو حتى ضحايا مغربيات كانو خدامين فالفرع ديال الشركة فطنجة..

وغادي ترجع “كود” لهاد الموضوع بتفاصيل اكثر وشهادات..

موضوعات أخرى

29/03/2024 11:00

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة