الرئيسية > كود سبور > فضايح “الكوديم” ما سالاتش.. مشا لوجدة بفريقين وعصبة الهواة خافت من الصداع وأجلات الماتش
29/09/2019 18:00 كود سبور

فضايح “الكوديم” ما سالاتش.. مشا لوجدة بفريقين وعصبة الهواة خافت من الصداع وأجلات الماتش

فضايح “الكوديم” ما سالاتش.. مشا لوجدة بفريقين وعصبة الهواة خافت من الصداع وأجلات الماتش

مصطفى الشاذلي – كود سبور//

فضايح “الكوديم” مازال مسالاتش، بعدما مشا اليوم الأحد لوجدة بفريقين، باش يلعب الماتش أمام الاتحاد الإسلامي الوجدي، ضمن الدورة الثانية من منافسات القسم الوطني الأول للهواة.

أمام هاد المهزلة الكروية الثانية للكوديم هاد العام، قررت العصبة الوطنية، لي كيترأسها جمال السنوسي، تأجل الماتش، باش ما تكررش مهزلة الاسبوع الماضي، حسب بلاغ العصبة.

وعوض تبادر العصبة الوطنية للهواة ورئيسها إلى حل هاد المشكل نهائيا، اكتفت بنشر بلاغ على موقعها الرسمي، وگالت فيه بلي “الكوديم” انتقل لوجدة بفريقين لإجراء الماتش أمام الاتحاد الإسلامي الوجدي “وتجنبا لما من شأنه أن يثير أعمال شغب والفوضى، قررت العصبة الوطنية لكرة القدم هواة، تأجيل هذه المباراة إلى موعد لاحق”.

ويبدو أن مشاكل الكوديم مازال غادية وكتزيد ويعاني حاليا أزمة تسييرية لم يسبق لها مثيل فتاريخ هاد النادي العريق. رضوان مرزاق كيگول انا هو الرئيس الشرعي رغم أنه قدم استقالتو فالجمع العام، وتراجع عنها والمكتب المديري كيدعي أنه هو لي عندو الحق يدير الرئيس بصفته الراعي الرسمي لفروع الجمعية ومسؤول عليها، وكيتهم مرزاق بانتحال صفة.

والحقيقة أن “الكوديم” أصبح محط أطماع أحزاب سياسية، لتتكالب عليه دون حياء أو حشمة.

موضوعات أخرى

10/07/2020 18:30

سنة عجاف كتساين صحاب القهاوي والريسطورات فالمغرب. كورونا طحطحات القطاع لي كتشير التوقعات أن رقم معاملاته غادي يكون قل من 50 فالمائة

10/07/2020 18:15

بوريطة بين مرة اخرى احتقارو لناس الصحرا وراه كيدعم الانفصال بهاد القرارات. احتجاجات قدام قنصليتنا فلاس بالماس على استثناء العيون من الرحلات وراه طلع وزير الخارجية مستثني الجزر كلهم

10/07/2020 17:30

الوضعية الوبائية لفيروس كورونا فهاد 24 ساعة: 249 تصابو و380 تشافاو وواحد مات.. الطوطال: 15328 مصاب و11827 متعافي و243 متوفي و3258 كيتعالجو