وكالات//

قررات السلطات في آيسلندا أنها تسد واحد الموقع سياحي مشهور سميتو لاغون في جنوب البلاد، البارح الخميس، فواحد الخطوة احترازية حينت خافو يثور واحد البركان تما.

غادي يمنعو الناس من يقربو بهاد البلاصة السياحية لمدة سيمانا كاملة، وهي البلاصة المعروفة بالفنادق ديالها الفاخرة وشي بيسينات طبيعية كيجيو ليها الناس من العالم كامل.

هادشي كيعني أنه مغاديش يقدرو السياج يجيو لتما حتى لـ 16 وفمبر مع الساعة السابعة صباحًا بتوقيت غرينتش.

هاد القرار جا بعدما سجلات السلطات أكثر من 400 هزة فالـ 24 ساعة لي فاتت، وتجاوز العدد الإجمالي للهزات الأرضية، من 25 أكتوبر، 23 ألف هزة أرضية، على حساب مكيقول معهد الأرصاد الجوية الآيسلندي.