كود – كازا ///

قالت وكالة (إفي) الإسبانية، إن مصالح الخدمة البحرية للحرس المدني عتقات، مؤخرا، 4 ديال المهاجرين جزائريين اللي حرگو عومان من الفنيدق لمدينة سبتة وبقاو واحلين وسط البحر وكانو غا يغرقو، قبل ما تعتقهم دورية ديال لاگوارديا سيپيل.

وأضافت الوكالة، أن هاذ الحراگة بقاو مدة ساعات وسط البحر وواجهو خطر جسيم كان كيتهدد الحياة ديالهم. ولدى إنقاذهم كانت كتظهر عليهم أعراض الإرهاق. وتم نقل الأشخاص الأربعة إلى مركز إقامة المهاجرين المؤقت (CETI).

وولات مدينة الفنيدق والضواحي ديالها قبلة مفضلة لبزاااف ديال الحراگة من الجزائر وتونس واليمن وباقي الدول الأفريقية، في السنوات الأخيرة، وذلك بسباب القرب الجغرافي ديالها من مدينه سبتة.