وكالات//
كشفت أونكيط داروها البوليس ديال تركيا على واحد الكارثة ديال الشراب المغشوش في تركيا ولي تسبب في الموت ديال 38 واحد وتصابو فيها العشرات، أن ربح قليل بزاف تسبب في أن العشرات من العائلات تفقد الناس ديالها.
وسائل إعلام محلية، قالت إن تجار الشراب المغشوش، كيربحو غير 20 ليرة تركية (يعني تقريبا نصف دولار، 5 دراهم مغربية) على كل قرعة ديال الشراب مغشوش، ولي الكليان كيشريها غير بدولار واحد (تقريبا 10 الدراهم مغربية).
وخلا ثمنها الرخيص بزاف ديال الطليان خاصة من المبليين الفقراء أنه يجيو يشريوها، وهو شي لي خلا السلطات تسد العشرات ديال المحلات غير القانونية.
وغير في 5 أيام فقط، ماتو اكثر من 38 واحد بسبب هاد الشراب، وكتقول السلطات اإن الحصيلة مرشحة باش ترتافع في الأيام القليلة الجايا بسبب الإصابات الخطيرة.