الجدارمية د گرسيف حجزوا 800 قرعة ديال الشراب فدار گراب بمنطقة حرشة غراس
كود سبور//
من المنتظر باش يتقام الدوري الودي لكرة القدم ديال الراحل أحمد النتيفي، هذا الصيف فثلاث ديال المدن مغربية فالجهة الشرقية، بمشاركة فرق وطنية مميزة.
واختارو المسؤولين على تنظيم دوري أحمد النتيفي إقامة الدورة 34 من هاذ البطولة الإعدادية مرة أخرى خارج مدينة الدار البيضاء، بحيث غيتجرى بثلاثة ديال المدن وهي وجدة وبركان والسعيدية.
وغيعرف هاذ الدوري الودي مشاركة ديال عدد من الأندية ومن بينها فريق الراسينغ البيضاوي محتضن البطولة، وفريق الوداد بطل المغرب ونهضة بركان بطل كأس العرش وكأس الكاف ومنساوش مولودية وجدة لي حتى هو غيكون إلى جانب فرق أخرى.
دوري النتيفي لي تسمى تكريما للراحل أحمد النتيفي الكاتب العام السابق ديال جامعة كرة القدم ولي دائما كيشرف على تنظيمو فريق الراسينغ البيضاوي، كيتعتبر من المحطات الإعدادية المهمة للفرق المغربية مع كل صيف فتحضيرها لانطلاق الموسم الجديد وهاذشي من سنة 1988.