كود اكادير ///
علمت “كود” ان الجامعة الصيفية الثالثة للشباب ديال التجمع الوطني للاحرار اللي غادية تنطالق هاد العشية فاكادير غيحضرها 5600 شاب. اي كثر من العدد اللي كان حضر للجامعة الثانية. وفق مصدر تجمعي ل”كود” فان ارتفاع هاد العدد عندو علاقة بالعدد الكبير من الشباب اللي التاحق بالحزب٬اذ يتوقع قرابة 32 الف شاب على بطاقة الانخراط٬ ثلثهم جديد ما عمرو كان فشي حزب سياسي.
الحزب يعول على الشباب فانتخابات 2121 التشريعية. الشباب كيمثلو نسبة ما بيهاش من عدد المنخرطين فحزب الحمامة اللي واصل لحد الان وفق مصدر تجمعي 120 الف منخرط. ويسعى الحزب باش هاد العدد يوصل ل400 الف منخرط قبل الانتخابات التشريعية المقبلة.