كود – كازا ///

قالت جريدة لوباريزيان الفرنسية، أن محكمة الجنايات ف فال دواز بدات، مؤخرا، مناقشة قضية مثيرة كتعلق بإساءة معاملة أفراد الأسرة، المتهم الرئيسي فيها هو مغربي كيبلغ من العمر 40 عام.

وحسب الصحيفة ذاتها، كتسنى المتهم الرئيسي عقوبة ثقيلة ديال 30 عام دالحبس بسباب التفنن ديالو ف تعذيب مراتو ووليداتو مني كانو قاصرين وكترواح أعمارهم مابين 9 و14 عام.

وتوجهات لهاذ الأب المريض نفسيا حسب تقرير الخبرة النفسية، اتهامات بارتكاب أعمال عنف ووحشية. وجرات الأحداث بين عامي 2016 و2020 في بوفيمونت.

وجا ف تقرير الخبرة النفسية، ان المعني بالأمر عندو بزاف ديال التحيزات الثقافية، وخاصة فيما يتعلق بالنساء، وعندو تركيز مفرط على الأنا وغير قادر على تحديد الألم الأخلاقي لدى أطفاله وعزيز عليه التسبب ف الأذى للآخرين بطرق مقززة.

https://www.leparisien.fr/val-d-oise-95/mon-pere-bah-il-me-tapait-minsultait-aux-assises-un-homme-accuse-davoir-torture-ses-enfants-a-bouffemont-24-02-2025-HD45ZPVV3RCZTNNGAYQI6LSLPI.php