الرئيسية > آش واقع > 3 لخبار كتفرح. سيدنا بيخير وعبياية طار جا فبلاصتو امزازي اللي يستحق وحزب العود ما حزب ما ستة حمص
07/04/2020 18:15 آش واقع

3 لخبار كتفرح. سيدنا بيخير وعبياية طار جا فبلاصتو امزازي اللي يستحق وحزب العود ما حزب ما ستة حمص

3 لخبار كتفرح. سيدنا بيخير وعبياية طار جا فبلاصتو امزازي اللي يستحق وحزب العود ما حزب ما ستة حمص

الدار البيضاء عمر المزين ///

خبار زوينة زادت عطات ثقة لمغاربة فالدولة. دولة حاضرة ماشي غير فتدبير كورونا فيروس ولكن فتدبير الشأن السياسي. عبيابة ماشي كفاءة كلشي عارفها. طار كلشي فرحان.

دابا خرج بيان للديوان الملكي فيه ان محمد السادس استقبل اليوم الثلاثاء، بالقصر الملكي بالدار البيضاء، كلا من السعيد أمزازي وعثمان الفردوس وانو استنادا لأحكام الفصل 47 من الدستور، وباقتراح من رئيس الحكومة، تكلف السعيد أمزازي، وزير التربية الوطنية والتكوين المهني والتعليم العالي والبحث العلمي، بمهام الناطق الرسمي باسم الحكومة. • وبتعيين عثمان الفردوس، وزيرا للثقافة والشباب والرياضة.

هاد الشي فيه 3 الامور زوينة.
رد على الاشاعات الكاذبة اللي جبدات سيدنا وقالت باللي مريض ووو. شي حقرا خراين هدرو علي انو واش هنا ولا ليه. البيان واضح والتعيين واضح. الملك حاضر كيشرف شخصيا على كل شادة وفادة فالمغرب اليوم. بصحة جيدة وكلشي بيخير. خبار غادي يقلق الحقرا اللي مخبيين برا وكيطلقو سمومهم.

الثاني هو تفكينا من هاداك عبيابة. نهار كبير. كفاءة زيرو. مشى فحالو من الناطق الرسمي باسم الحكومة وجابو امزازي اللي بين باللي فيدو فتدبير مرحلة دقيقة فالتعليم.

الامر الثالث هو حزب الاتحاد الدستوري خاصو يمشي فحالو ما صالح لوالو. وصلات بيه الامور ما عندوش ما يعطي للدولة من وزرا. واحد كان كاتب دولة نكرة جابوه لحقيبة كبيرة الرياضة والشبيبة والثقافة. بزاف عليه وبزاف على حزبو.

اكيد فردوس غادي يكون حسن بزاف بزاف من عبيابة. ولكن شوهة لحزب العود. خاصو يمشي باش تسالي كورونا فبلادنا ويحل راسو بكل احترام قبل ما ينقارض

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 12:45

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر