كود -وكالات //

منظمة الصحة العالمية علنات بلي انتشر فيروس“ هانتا “فوق واحد سفينة سياحية هولندية MV Hondius، اللي دابا مرسية حدّ سواحل الرأس الأخضر فالمحيط الأطلسي ولي كانت جاية لجزر الكناري ،عدد الوفيات وصل لـ3 دابا فالسفينة، وكاينين جوج حالات مؤكدة و5 حالات مشكوك فيها، والخطير هو أنه كاين احتمال باش تنتقل العدوى بين البشر، وهاد الشي كان قليل بزاف مع هاد الفيروس كون ماوقعاتش ليه شي طفرة.

الوضعية فوق السفينة صعيبة،حيث 149 مسافر من 23 جنسية باقيين واحلين فالبحر، وطلبو منهم يبقاو فشومبرات ديالهم ويقللو الحركة حيث كاينين عمليات تعقيم مستمرة.

وفنفس الوقت، سلطات الرأس الأخضر رفضات تسمح للسفينة باش دخال لميناء ”برايا“ كاحتياط من انتشار الفيروس عندها فالبلاد، فيروس “هانتا“هو فيروس كينتاقل غالباً من  الفيران   وكيقدر يسبب مرض فيه السخانة وآلام، ومن بعد يقدر يتطور  لمشاكل تنفسية خطيرة .