وكالات//

كيواجه الرابور الميريكاني المشهور شون ديدي كومبس، تهم جديدة، جابوها 3 ديال الناس جداد كلهم الرجال كيقولو ان ديدي بنجهم واغتاصبهم.

على حساب مقالت الصحافة ديال ميريكان هاد الرجال بثلاثة كيقولو ان هاد الجرائم وقعات في  الفترة بين عامي 2019 و2022.

هاد الرجال قدمو شكاوى مجهولة في نيويورك تحت اسم “جون دو” نهار الأربعاء، واحد من الضحايا قال انه تلاقا مع كومبس في بار سميتو “ماركي” في نيويورك عام 2019، وعرض عليه باش يحضر “حفلة حصرية”.

وقال ان ديدي عطاه شي مشروب، بان ليه من بعد انه كيبنج، وقال انه ماحس براسو حتى لقا راسو عريان وقال انه تعرض للاغتصاب وصوروه 2 ديال الناس في نفس البلاصة لي دخلو فيها.

الضحية الثانية قال أنه تعرض للاغتصاب في وحدة من حفلات شون ديدي كومبس في هامبتونز عام 2020 بنفس الطريقة وقال ان واحد اخر معاه تناوبو عليه..

أما الضحية الثالثة، لي كان كيعرف كومبس من عام 2006، فهو كيقول انه تلاقا معاه في اوطيل  إنتركونتيننتال بنيويورك في فبراير 2020 لمناقشة مسائل مالية، قبل ميبنجو بنفس الطريقة وغتاصبو وصورو.